शोध मनाचा … !!!

कुठे शोधतोय मनाला , असेल कुठल्याश्या तीरावरती
सांजसुरांवर रेंगाळलेलं , किंवा तरंगांच्या अवती भवती

असावं इंद्रधनुच्या रंगी , वा उंच रुक्ष पठारावरती
वाहत असावं झऱ्यात छोट्या , वा दवाने भिजल्या तृणांवरती 

बरसत असेल पावसासंगे , किंवा दाटलं असावं मळभासंगती
पांघरूण बनलं असेल धुक्याचं , या हिरव्या पाचूश्या धरतीवरती

असेल कदाचित देवळामध्ये , वा हरवलं असावं पायरीवरतीच
गुंग असावं पैंजणांच्या नादात , वा असावं माळलेल्या गजऱ्याभोवती

हुडकावे या मनास कुठे , जिथे असतील फक्त आपली नाती
मग चार थेंबही पुरे पडती , हे ओघळणारे या गालांवरती ….

- Oms
०१/०२/२०१४
०२:०२ मि.