थेंबांसवे पावसाच्या बरसणे आज होत आहे वाऱ्याच्या बासरीवर जणू जुन्या सुरांचे गीत आहे
पावसाचा खेळ सारा तू सुखे पहात आहे
दवबिंदू मी जसा, अन तू अशी तृणात आहे
कवितेतला हर एक शब्द मनाची सावलीच आहे
पकडू मी पाहतो तिला परी ती तुझ्या आसपास आहे
अनोळखीसे शद्ब सगळे जरी गीत हे जुनेच आहे
जणू सजलेली मैफिल मी, अन दाद ती तुलाच आहे
दिसतो जुनाच चंद्र अन आकाश हे जुनेच आहे
कुठलासा एक तारा तू मी उरलेला काळोख आहे
धुक्याच्या पुंजक्यास माझ्या भावनांचा स्पर्श आहे
गुलाबिशी रात्र मी, तू कोवळ्या चांदण्यात आहे
- Oms
२८/०१/२०१४
२३:५६ मि.
No comments:
Post a Comment