तू नसता सामोरी !!!!!!!

तू नसता सामोरी
मन आठवणी या चोरी
कशी धुंद पावसाळी
ही रात्रही भिजलेली

ऋतू पावसाळी हिरवा
मन चिंब तुझे ओले
तू नसता सामोरी
मी थेंब बरसलेले

कळी उमलली हळूच
तुझ्या नाजूक स्पर्शाने
जशी स्पंदनेही झुरती
तुझ्या चिंब आठवांने

थेंब विसावती पानी
पाऊस थांबलेला   
तुझ्या प्रेमाचा ओलावा
परी जाणवे मजला

अशा या चिंब रातीला
मनी आठवणी या ओल्या
तुझ्या नसण्याचा ओलावा
परी जाणवे मनाला…
तुझ्या नसण्याचा ओलावा
परी जाणवे मनाला…!!!!!!!   

- Oms
10-04-2013