भाव - गीत…!!!

दाटल्या होत्या कधीच्या
भावना मनामध्ये 
सूर तो आराशापारी 
दिसला तुम्हा गाण्यामध्ये 

ॠणी असे भावनांचा 
भरल्या सदा मनातूनी
सुरांचे वस्त्र लेवूनी 
झरती अशा गीतामध्ये 

शब्द होती सारथी 
आदेश परी भावनांचा 
घेऊनि जाती गीतास 
सुरांच्या  स्वर्गामध्ये

गीत हे सेवेस तुमच्या 
भक्ती परी ती भावनांची 
भेट तुमच्या भावनांशी 
होतसे या सुरांमध्ये

दाद दिलेली गीतास
मनासी सांगते खरे 
भावना माझ्या मनीच्या 
तुमच्याही मनामध्ये… 

- Oms 
१६-०३-२०१४
१४:४२ मि.