कधीतरी माझ्या मनी तू .............

कधीतरी माझ्या मनी तू , सांज होऊन ये
कधी हलकेच अंतरीची , तार छेडून ये ……।।धृ।।

मी असा वेडापिसा , होऊन वाट पाहतो
चाहूल तुझ्या असण्याची , मजसाठी घेऊन ये …. ।।१।।

शिशिरात पाने सारी , या गोड धुक्यातच न्हाली
दवबिंदू  हे प्रीतीचे , पहाटे पांघरून ये …. ।।२।।

आठवांना मी तुझ्या , स्वप्नात माझ्या गुंफतो
सुखाचा जणू एक मुग्ध , स्पर्श होऊन ये …. ।।३।।

सूर ना मज सापडे , अश्रूही बघ आटले
पोळणाऱ्या जीवनी तू , सावली होऊन ये …. ।।४।।

- Oms
१४/०९/२०१३
०१:५४ मि .