नमस्कार............ !!!!!!! (श्लोक).......

गजानना बा रे स्वामी दयाळा
तुझ्या आगमने घर होई देव्हारा
तुझ्या दर्शने तृप्ती लाभे मनासी
नमस्कार माझा श्री विनायकासी ।।१।।

असावे सदा सुख आनंद सौख्य
नसावे कदा दैन्य दारिद्र्य दु:ख
देणे करावे अशा आशिषासी
नमस्कार माझा श्री विघ्नेश्वरासी ।।२।।

तू सुखकर्ता तू विघ्नांचा हर्ता
तू माय पिता तू पालनकर्ता
चुका माझिया उदरी घालून घेसी
नमस्कार माझा श्री लंबोदरासी ।।३।।

हे शूर्पकर्णा हे एकदंता
हे गजवक्त्रा हे शंकरसुता
सदा आम्हा भक्तांच्या पाठीशी राहसी
नमस्कार माझा श्री चिंतामणीसी ।।४।।

आता न फार मज बोलावीते
कर दोन्ही जोडूनी मन प्रार्थिते
सेवा सदा तुझी करवुनी घेसी
नमस्कार माझा श्री गणनायकासी ।।५।।

 - OMS
९/९/२०१३
०२:३८ मि .